AFFA 4 futbolçuya ağır cəza verdi

Sportarena.az      8 May 2018, 14:40

Bu gün AFFA İntizam Komitəsinin növbəti iclası keçirilib.

 

Sportarena.az xəbər verir ki, iclasda Birinci Divizionda yol verilmiş qayda pozuntularına baxılıb.

 

Birinci divizionun 26-cı turunun “Mil-Muğan” - “Şüvəlan” matçının 89-cu dəqiqəsində ev sahiblərinin futbolçusu Elnur Məmmədov ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanıb, klub 20 manat cərimə olunub.
 

Birinci divizionun “Turan Tovuz” - “Qaradağ Lökbatan” matçında meydan sahiblərinin 5 futbolçusu sarı vərəqə ilə cəzalandığı üçün klub 80 manat cərimə ödəməli olacaq. Oyunun 89-cu dəqiqəsində “Qaradağ Lökbatan”ın futbolçusu Sabir Allahquliyev aqressiv davranışa görə birbaşa qırmızı vərəqə alaraq meydandan kənarlaşdırıldığı üçün futbolçu 3 oyunluq cəzalanıb, klub 240 manat cərimə olunub.

 

Aşağı liqada “Xəzər” - “Zaqatala” matçının 82-ci dəqiqəsində qonaqların futbolçusu Roini İsmayılov rəqibi təhqir etdiyinə görə meydandan kənarlaşdırıldığı üçün futbolçu 3 oyunluq cəzalanıb, klub 160 manat cərimə olunub. Oyunun 82-ci dəqiqəsində “Xəzər”in üzvü Tural Qürbətov rəqibi təhqir etdiyinə görə meydandan kənarlaşdırıldığı üçün futbolçu 3 oyunluq cəzalanıb, klub 160 manat cərimə olunub. 

 

Birinci divizionun “Ağsu” - “Binə” matçında qonaqların 4 futbolçusu sarı vərəqə ilə cəzalandığı üçün klub 80 manat cərimə olunub. Oyunun 90+1-ci dəqiqəsində “Ağsu” klubunun üzvü Qalib Əmrahov aqresiv davranışa görə birbaşa qırmızı vərəqə alaraq meydandan kənarlaşdırıldığı üçün futbolçu 3 oyunluq cəzalanıb, klub 240 manat cərimə olunub. 

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Avrokubokların yeni formatında klublarımızdan ən azı biri qrup mərhələsinə vəsiqə qazana biləcəkmi?
 Bəli
 Xeyr
 Püşkdən asılı olacaq
 Klublarımızın işi çətin olacaq
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin