Roman Qriqorçuk: "Niyə qorxmalıyam ki?"

Sportarena.az      12 May 2018, 23:02

Topaz Premyer Liqasının 27-ci turunda "Qəbələ" "Sumqayıt"ın qonağı olub. Oyun qonaqların 2:0 hesablı qələbəsi ilə yekunlaşıb.

 

Sportarena.az xəbər verir ki, görüşdə sonra keçirilən mətbuat konfransında qonaqarın baş məşqçisi Roman Qriqorçuk matç haqda danışıb:

 

- Futbolçulara deyəcəyim sözləri deyəcəm. Onlara afərin! Çox prinsipial yanaşdılar, qalib gəlmək istədilər. Oyunçularımın futbola yanaşmasını daha çox bəyəndim. Ümumilikdə futbolçulardan çox razıyam.

 

- Sonuncu tur formal xarakter daşıyacaq. "Qarabağ"la oyunda əsas heyətə güvənəcəksiniz, yoxsa kobuk oyunu üçün onlara istirahət verəcəksiz?

- Yox, meydana güclülər daxil olacaq. "Qarabağ"la oyuna başqa cür yanaşa bilmərik. Qalib gəlmək istəyəcəyik, komanda güclü olmalıdı. Yaxşı oyun nümayiş etdirməliyik və kubokdan öncə yaxşı motivasiya olacaq.

 

- Sizcə "Sumqayıt"ın üstələməkdə futbolçuların ustalıq səviyyəsi böyük rol oynadımı?

- Rəqib futbolçuları öz oyunçularımızla müqayisə etməyə haqqım yoxdu, ancaq öz oyunçularıma gəldikdə, deyə bilərəm ki, yaxşı oyun göstərdik, ustalıq səviyyəmiz yaxşı oldu və bu səbəbdən qollar vurduq.

 

- Ozobiçin oynamamasının səbəbi nədir?

- Kiçik zədəsi var, oynaması məsləhət görülmürdü.

 

- Ukrayna mətbuatında "Keşlə"nin baş məşqçisi Yuri Maksimovla soyuq münasibətinizin olduğu haqda məlumatlar yazılıb...

- Tamamilə boş söhbətdi. Maksimovla normal münasibətimiz var. Bizim mətbuat niyə belə şey yazsın ki? Bizim ümumiyyətlə heç vaxt münaqişəmiz olmayıb. Mənə zəhmət olmasa o məqaləni göndərin ki, orada yazılsın, nə vaxtsa Maksimovla mənim aramda soyuq münasibət olub. Belə şeyləri haradan götürürsüz? Mənim ümumiyyətlə heç bir məşqçi ilə pis münasibətim yoxdu. 

 

- Kubokda məğlub olmaqdan qorxmursunuz ki? Üzərinizdə əlavə təzyiq varmı?

- Niyə qorxmalıyam ki? Əksinə, "Qəbələ" ilə final oynamağım məni sevindirir. Bu artıq sevindirici haldı. Fİnalda olmağımızın özü uğurdu.
DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin