Buffondan karyerası ilə bağlı mühüm qərar - RƏSMİ AÇIQLAMA

Sportarena.az      16 May 2018, 17:50

"Yuventus"un qapıçısı Canluicci Buffon karyerası ilə bağlı qərar qəbul edib.

 

Sportarena.az xəbər verir ki, bu barədə 40 yaşlı qolkiperin agenti Silvano Martina İtaliya mətbuatına açıqlamasında məlumat verib.

 

O, Buffonun mövsümün sonunda karyerasını bitirəcəyini deyib: "Bu, Totti üslubunda vidalaşmaq olmayacaq. Belə vida ancaq Romada ola bilər. Mən Turində Del Pyeronun vidalaşması kimi bir səhnə gözləyirəm. Tarixin ən böyük qapıçısını müşayiət etmək mənim üçün şərəfdir. Daha heç nə deyə bilmərəm. O özü 4-cü gün keçirəcəyi mətbuat konfransında hər şeyi danışacaq".

 

Qeyd edək ki, mayın 19-da İtaliya A Seriyasında "Verona" ilə keçiriləcək oyun Buffonun sonuncu matçı olacaq.


Peşəkar karyerasına 1995-ci ildə başlayan Buffon 1051 rəsmi oyuna çıxıb. O, karyerasında 9 dəfə İtaliya çempionu, 5 dəfə İtaliya kubokunu və 1 dəfə dünya kubokunu qazanıb.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısızmı?
 Razıyam
 Normaldır
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin