Növbəti mövsümdə Türkiyə Superliqasında mübarizə aparacaq sonuncu komandanın adı məlum olub.
Sportarena.az xəbər verir ki, pley-off mərhələsinin finalında “Qaziantep” “Erzurum BB” ilə qarşılaşıb. Matçın əsas və əlavə vaxtında qalib aşkarlanmayıb. Penaltilərdə 6:5 hesabı ilə qalib gələn “Erzurum BB” Superliqaya vəsiqə qazanıb.
Qeyd edək ki, Superliqanı “Osmanlıspor”, “Gənclərbirliyi” və “Kardemir Karabük” tərk edib. “Rizəspor” I divizionun qalibi, “Ankaragücü” isə ikinci yerin sahibi kimi növbəti mövsüm Superliqada iştirak hüququ qazanıblar.