Qurban Qurbanov 3 pillə irəlilədi

17:23 16 İyun 2018

Məşqçilərin reytinq siyahısı açıqlanıb.

 

Sportarena.az xəbər verir ki, cədvəldə Azərbaycan Premyer Liqasında çalışan mütəxəssislər də yer alıb.

 

Onlardan ən yaxşı nəticə “Qarabağ”ın və Azərbaycan millisinin baş məşqçisi Qurban Qurbanova məxsusdu. 3 pillə irəliləyən 46 yaşlı mütəxəssisin hesabında 1169 xal var. O, planetin 458-ci məşqçisidi.

 

Siyahıda “Zirə”nin baş məşqçisi Ayxan Abbasovun da adı var. 217 xala malik gənc mütəxəssis də Qurbanov kimi mövqeyini yaxşılaşdırıb. 2 rəqibini qabaqlayan təmsilçimiz 894-cü yerə qalxıb.

 

Qeyd edək ki, reytinq siyahısına Zinəddin Zidan başçılıq edir. “Real”ın sabiq baş məşqçisinin hesabında 16378 xal var. “Barselona”nı çalışdıran Ernesto Valverde 15485 xalla ikincidi. “Üçlüy”ü “Qremio”ya rəhbərlik edən Renato Qauşo qapayır. O, 14679 xala malikdi.


Xəbər xətti