Naqelsmann "Hoffenhaym"ı "Leyptsiq"ə dəyişəcək

Sportarena.az      22 İyun 2018, 12:37

Almaniyanın “Hoffenhaym” klubunun baş məşqçisi Yulian Naqelsmann 2018/19 mövsümü bitən kimi bu komandadan ayrılacaq.

 

Sportarena.az xəbər verir ki, 30 yaşlı mütəxəssis 2019/20 mövsümündən etibarən “Leyptsiq” klubunu çalışdıracaq. Bu barədə sözügedən klubun mətbuat xidməti məlumat yayıb. Maraqlıdı ki, Naqelsmanın “Hoffenhaym”la müqaviləsi olsa da, o, artıq indidən sonrakı mövsüm üçün yeni anlaşmaya imza atıb. Gənc məşqçi “Leyptsiq”lə 2023-cü ilədək müqavilə bağlayıb

.

Artıq “Hoffenhaym” da rəsmi açıqlama yayaraq, Naqelsmanın qarşıdakı mövsüm bitən kimi komandadan ayrılacağını təsdiqləyib.

 

9 ildi “Hoffenhaym”da xidmət göstərən Naqelsmann 2016-cı ildən bu klubun əsas komandasının baş məşqçisidi. O, daha öncə bu klubun gənclərdən ibarət komandasına rəhbərlik edib.

 

Almaniya Bundesliqasının ən gənc baş məşqçisi olaraq tarixə keçən Naqelsmanın çalışdırdığı “Hoffenhaym” geridə qalan mövsümü 3-cü pillədə başa vurub və UEFA Çempionlar Liqasında mübarizə aparacaq.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin