"Qarabağ"ın müdafiəçisi Yakub Jezniçak DÇ-2018-in H qrupunda 1/8 finala vəsiqə qazanan 2-ci komandanın “Fair-play” qaydaları ilə müəyyənləşdirilməsinə münasibət bildirib.
Sportarena.az xəbər verir ki, polşalı futbolçu şəxsi "Twitter" və "İnstagram" hesabında FİFA-nın qərarını tənqid edib. O, bunun haqsızlıq olduğunu bildirib:
Jezniçak dünya çempionatı oyunlarının isti havada keçirilməsini də narazılıqla qarşılayıb:
"Üstəgəl ora həqiqətən də çox istidir. Bunu yaxşı bilirəm. Çünki Bakıda da axşam saat 8-də, hava elə də isti olmayanda oynayanda görürsən ki, başqa ölkədən olan rəqiblərimiz 30-40-cı dəqiqədən sonra istidən "ölürlər", hərəkət edə bilmirlər".
Qeyd edək ki, dünən DÇ-2018-in H qrupunda Seneqal və Yaponiyanın xalları, top fərqi və aralarında keçirdikləri oyunun nəticəsi bərabər olduğundan, növbəti mərhələyə vəsiqəni “Fair-play” qaydaları müəyyənləşdirib. Daha az sarı vərəqə görən asiyalılar 1/8 finala adlayıblar. Kolumbiya isə qrup lideri kimi adını 16 ən güclü yığma arasına yazdırıb.