AFFA ilə UNİCEF arasında anlaşma

Sportarena.az      5 İyul 2018, 22:05

Bu gün AFFA-nın inzibati binasında AFFA və UNİCEF arasında əməkdaşlıqla bağlı növbəti razılaşma sənədi imzalanıb.

 

Sportarena.az xəbər verir ki, sənədi AFFA-nın baş katibi Elxan Məmmədov və UNICEF-in Azərbaycandakı Nümayəndəliyinin rəhbəri Edvard Karvarin imzalayıb.

 

AFFA və UNICEF-in əməkdaşlığı ilə “Qızlar bacarır” şüarı altında başlayan kampaniya çərçivəsində artıq müəyyən işlər görülüb, iki videomaterial hazırlanıb. İlk belə videomaterial ötən ilin oktyabrında - Beynəlxalq Qızlar Günündə nümayiş etdirilib. Qızların hüquqlarını və dünyadakı qızların üzləşdikləri özünəməxsus problemləri anlamaq məqsədilə UNICEF-in Azərbaycandakı nümayəndəliyi və AFFA idman vasitəsilə qızların necə gücləndirilə biləcəyini işıqlandırıb. Növbəti sosial xarakterli videoçarx isə bu ilin martında hazırlanıb və AFFA-nın Hesabat Konfransında nümayiş etdirilib.

 

Qeyd edək ki, cəmiyyətdəki sosial xarakterli problemlərin qarşısının alınması, xüsusilə də qızlara tətbiq edilən qadağaların aradan qaldırılması istiqamətində işlərin davam etdirilməsi üçün “Qızlar bacarır” kampaniyası çərçivəsində müxtəlif layihələrin həyata keçirilməsi məqsədilə yeni anlaşma qarşıdakı il yarım müddəti əhatə edəcək. Kampaniyanın məqsədi həm də cəmiyyətdə qızların dəyərini vurğulamaq, onların nailiyyətlərindən danışıb, həyatda onlara kömək edəcək layihələr reallaşdırmaqdır. AFFA “Azərbaycan hökumətinin BMT ilə Gənclər evlərinə dair birgə təşəbbüsü” pilot layihəsinə qoşularaq, Mingəçevir şəhərində və Binəqədi rayonunda 10-17 yaş arası qızlardan ibarət futbol komandaları, eləcə də qızlardan ibarət Azərbaycan yığmaları üçün xüsusi fərdi təlimlər (akademiya) təşkil etməyi də planlaşdırır.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Avrokubokların yeni formatında klublarımızdan ən azı biri qrup mərhələsinə vəsiqə qazana biləcəkmi?
 Bəli
 Xeyr
 Püşkdən asılı olacaq
 Klublarımızın işi çətin olacaq
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin