Azərbaycan çempionu “Qarabağ” UEFA Çempionlar Liqasının 2-ci təsnifat mərhələsi çrəçivəsində qarşılaşacağı “Kukesi” ilə ilk oyunun keçiriləcəyi Albaniyaya yola düşüb.
Sportarena.az xəbər verir ki, Ağdam klubu bu gün ənənəvi olaraq, çarter reysi ilə səfərə çıxıb.
Qeyd edək ki, sabah “Qarabağ”ın baş məşqçisi Qurban Qurbanovun Bakı vaxtıyla saat 20:45-də mətbuat konfransı başlayacaq. Komandanın son məşqi isə saat 21:00-da qarşılaşmanın keçiriləcəyi “Loro Boriçi” stadionunda baş tutacaq. Məşqin ilk 15 dəqiqəsi mətbuat və azarkeşlər üçün açıq olacaq.
“Kukesi" - "Qarabağ" oyunu iyulun 25-də keçiriləcək və Bakı vaxtı ilə saat 21:00-da start götürəcək.