Futbol üzrə Almaniya 3-cü Liqasında yeni mövsümə start verilib.
Sportarena.az xəbər verir ki, Azərbaycan yığmasının hücumçusu Rüfət Dadaşovun formasını geyindiyi “Proyssen” klubu da 2018/19 mövsümündə ilk matçına çıxıb. Futbolçumuzun komandası səfərdə Köln “Fortuna”sı ilə qarşılaşıb. Münster klubu bu oyundan qələbə ilə ayrılıb – 4:1.
Bu klubun yeni transferlərindən olan Rüfət də “Proyssen”də ilk rəsmi matçını keçirib. O, start heyətdə meydana çıxıb və 75-ci dəqiqədə əvəzlənib.
Komandasının ikinci qolunu da məhz Dadaşov vurub. O, 43-cü dəqiqədə fərqlənməklə hesabı 2:0 edib.