Azərbaycan çempionu “Qarabağ”ın UEFA Çempionlar Liqasının 3-cü təsnifat mərhələsi çərçivəsində qarşılaşacağı Belarus BATE-si ilə ilk matçın biletləri ötən gündən satışdadı.
Sportarena.az xəbər verir ki, bu qarşılaşmanın biletlərini “Park Bulvar”da yerləşən Ağdam klubunun fan-şopunda, Tofiq Bəhramov adına Respublika stadionunun kassalarında və “28 Mall”da əldə etmək mümkündü. İticket.az saytından isə biletlərinizi onlayn da ala bilərsiniz. Biletləri əldə edərkən şəxsiyyət vəsiqəsi təqdim olunmalıdı.
Ətraflı məlumatla iticket.az saytından tanış ola bilərsiniz. Biletlərin qiymətləri sektorlara uyğun olaraq 1, 2, 3, 5 və 10 manat arasında dəyişir. VİP biletlər isə 50 manatdı.
Qeyd edək ki, “Qarabağ” - BATE matçı avqustun 7-də keçiriləcək və saat 21:00-da start götürəcək.
