BATE-nin baş məşqçisi: "Hələ heç nə olmayıb"

Sportarena.az      7 Avqust 2018, 23:38

Çempionlar Liqasının III təsnifat mərhələsinin ilk oyunları çərçivəsində baş tutan “Qarabağ” – BATE matçından (0:1) sonra keçirilən mətbuat konfransında Belarus təmsilçisinin baş məşqçisi Aleksey Baqa jurnalistlərin suallarını cavablandırıb.

 

Sportarena.az xəbər verir ki, mütəxəssis cavab görüşündə işlərinin çətin olacağını bildirib:

 

– Qələbədə həlledici amil nə oldu?

– Qol vurduq. Əsas olan budu. Hesabı ilk açdıq, bundan sonra “Qarabağ” hücuma keçməyə başladı. Bu da işimizə yaradı.

 

– Yekun nəticə tərəflərin gücünü əks etdirirmi?

– Demək çətindi. Hələ heç nə bitməyib. “Qarabağ”da da təhlükəli epizodlar oldu.

 

– Təcrübənizdə səfərdə qalib gəlib növbəti mərhələyə yüksəlməmək olubmu?

– Açığı, hal-hazırda yadımda deyil. Azarkeşlər çox səs-küylü idi.

 

– İkinci oyunda da hesabı qorumağa çalışacaqsınız, yoxsa yenə aqressiv oyun göstərəcəksiniz?

– Bizim hələ bir həftə vaxtımız var. Bizim üçün çox çətin oyun olacaq. Fiziki cəhətdən oyunçularım yorulub. Futbolçuların durumundan çox şey asılı olacaq. Hazırlaşacağıq. Bu haqda düşünməyə vaxtımız var.

 

– Oyunda “Qarabağ” haqda öyrəndikləriniz öz əksini tapdımı?

– “Qarabağ”ın bir neçə oyununa baxmışdıq. Rəqibin heyəti güclüdü. Yaxşı oyunçulardan ibarətdi. Qarşımızda olan “Qarabağ” gözlədiyimiz komanda idi.

 

– BATE bu oyunda PSV-yə bütün kartların göstərdimi?

– Bu haqda danışmaq hələ çox tezdi. Onlar burdadısa, həm “Qarabağ”a, həm də bizə hörmətlə yanaşırlar.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Avrokubokların yeni formatında klublarımızdan ən azı biri qrup mərhələsinə vəsiqə qazana biləcəkmi?
 Bəli
 Xeyr
 Püşkdən asılı olacaq
 Klublarımızın işi çətin olacaq
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin