Avropa Liqasının bombardiri oğurlandı

Sportarena.az      9 Avqust 2018, 00:30

Latviyanın "Ventspils" klubunun futbolçusu Adeleki Akinyemi oğurlanıb.

 

Sportarena.az xəbər verir ki, bu barədə Ventspils şəhərinin eyni adlı təmsilçisinin rəsmi saytı məlumat yayıb. Bildirilir ki, 20 yaşlı negiriyalı hücumçu klubun bazasına dönməyib və onun harada olduğu bilinmir:

 

“Futbolçu qanunsuz olaraq, klubun bazasını və şəhəri tərk edib. Son 10 gündə bir neçə şəxs aktiv şəkildə kluba mesajlar yazıb. Təxmin edirik ki, bu cinayətin arxasında təşkilatlanmış qrup dayanır. Bizim futboçunu geri qaytarmaq tələbinə cavab olaraq, həmin şəxslər kluba təzyiq göstərir və şantaj edirlər. Adelekinin “Ventspils”də çıxışı ilə diqqətləri öz üzərinə cəlb etməsindən sonra digər klubların oyunçumuza olan marağı artıb. Futbolçumuzun onun satışından pul qazanmaq məqsədi oğurlanmasından əminik”.

 

"Ventspils" hadisə ilə əlaqədar polisə müraciət edib. Klub həmçinin FİFA və UEFA-nı işə cəlb etməyə hazır olduğunu bəyan edib.

 

Qeyd edək ki, Adeleke Akinyemi Avropa Liqasının 2018/19 mövsümündə bombardirlik yarışına başçılıq edir. O, 1-ci təsnifat mərhələsində Albaniyanın “Lüftetari” komandası ilə hər iki oyunda het-trikə imza atıb (5:0, 3:3). Nigeriyalı forvard 2-ci mərhələdə Fransa təmsilçisi “Bordo”nun qapısından isə bir top keçirib (0:1, 1:2).

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin