"Barselona"nın yeni kapitanı müəyyənləşib.
Sportarena.az xəbər verir ki, Andres İnyestanın komandadan gedişindən sonra kapitanlıq sarğısı Lionel Messiyə verilib. Argentina millisinin də kapitanı olan 31 yaşlı hücumçu bunadək Kataloniya klubunda vitse-kapitan idi.
Hazırda isə vitse-kapitanlar Serxio Butskes, Jerar Pike və Serxi Robertodur.
Qeyd edək ki, 16 yaşında "Barselona"ya cəlb edilən Messi 2005-ci ildən əsas komandada çıxış edir.