Tural Axundov: "Əla bir hissdir"

Sportarena.az      14 Avqust 2018, 18:34

“Neftçi”nin müdafiəçisi Tural Axundov klubun saytına müsahibə verib. 

 

Sportarena.az həmin müsahibəni təqdim edir:

 

- "Sumqayıt”la oyundan sonra iki gün istirahət etdiz. Artıq növbəti matça hazırlaşırsız. Əvvəlcə şənbə günü keçirilmiş görüşə nəzər salaq.

- Oyun bizim üçün çətin alınsa da, əsas qələbə qazanmaq idi. Şadam ki, buna nail olduq.

 

- Düzdür, üç xal qazana bildiz, amma komandanın göstərdiyi oyun heç də birmənalı təsir bağışlamadı.

- Razıyam. Bunu həm biz futbolçular, həm də məşqçi deyir. Fikrimcə, səbəb psixoloji vəziyyətimizlə bağlı deyil. Ola bilsin, kimdəsə start həyəcanı oldu. Yenə deyirəm, əsas odur ki, məqsədimizə çatıb 3 xalı əldə etdik. Oyunumuzu getdikcə yaxşılaşdıracağıq.

 

- İki fərqli mövqedə çıxış etdiz. Matça müdafiənin sağ cinahında başlasaz da, sonradan dayaq yarımmüdafiəçi zonasına göndərildiz. Hansı mövqe sizin üçün daha rahatdır?

- Təbii ki, cinahda oynamaq daha rahatdır. Amma müasir futbolda hər bir futbolçu istənilən mövqedə oynamağa hazır olmalıdır. Zəmanə bunu tələb edir.

 

- Hesabınıza iki məhsuldar ötürmə yazdırdız...

- Bəli, karyeramda ilk dəfə bir oyunda iki qol ötürməsi verdim. Əla bir hissdir. Hər futbolçu qol vurmaq istəsə də, həlledici ötürməni verməyin xüsusi bir ləzzəti var.

 

- "Qəbələ”yə qarşı oyundan nə gözləyə bilərik?

- Meydana qələbə üçün çıxacağıq. Topaz Premyer Liqasında ilk ev oyunumuz olacaq. Düzdür, görüşün Mərdəkanda - "Dalğa Arena”da keçiriləcəyi bəlkə də azarkeşlərin sayına mənfi təsir edəcək. Bununla belə, inanıram ki, azarkeşlərimiz bizi həmişəki kimi dəstəkləyəcək. Biz onlara, onlar isə bizə inanmalıdır.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin