“Qarabağ”ın Avropa Liqasının pley-off mərhələsində “Şerif”lə səfər oyunu Azərbaycanda yayımlanmaya bilər.
Sportarena.az xəbər verir ki, buna səbəb Moldova klubunun Avroliqanın yayım hüququnu alan “CBC Sport” telekanalından yüksək məbləğ tələb etməsidir. Tiraspol təmsilçisi telekanal rəhbərliyindən 150 min avro tələb edib ki, hazırda “CBC Sport” bu pulu ödəmək gücündə deyil. Məhz bu səbəbdən canlı yayım ehtimalı çox azdır.
Xatırladaq ki, “Qarabağ”ın ötən il Çempionlar Liqasının 3-cü təsnifat mərhələsinin “Şerif”lə səfər oyunundan öncə də eyni problem yaşanmışdı. Tiraspol klubu 100 min avro tələb etdiyindən matçın canlı yayımı alınmamışdı.
Sabah keçiriləcək “Şerif” – “Qarabağ” oyunu Bakı vaxtı ilə 21:00-da başlayacaq. (qol.az)