Topaz Premyer Liqasının 3-cü turunda “Qarabağ” “Neftçi”ni qəbul edib. Oyun 1:1 hesablı bərabərliklə başa çatıb.
Sportarena.az xəbər verir ki, matçdan sonra” “Qarabağ”ın futbolçusu Con Delarj jurnalistlərin suallarını cavablandırıb. O, əvvəlcə matç haqda danışıb:
- Yaxşı oyun alındı. Daha gözəl nəticə əldə edə bilərdik. Davam etməliyik. Növbəti oyunlara hazırlaşacağıq.
- Bu oyunla Türkiyədəki derbiləri necə müqayisə edərdin?
- Müqayisə etmək istəməzdim. Bunu sevmirəm. Azərbaycanda oynayıram. Ümumilikdə yaxşı oyun oldu.
- Tez əvəzləndiniz. Tam hazır deyilsiniz?
- Hazır olmayan oyunçu 87 dəqiqə necə oynaya bilər? Yorulmuşdum, əvəzlənməli idim.
- “Şerif”lə cavab oyunu haqda nə deyə bilərsiniz?
- Çətin oyun olacaq. Əlimizdən gələni edəcəyik. Həyati önəm daşıyan matçdır. Artıq həmin oyuna köklənməkiyik
- Sizcə,” Neftçi” “Qarabağ”ın çempionluq mübarizəsindəki əsas rəqibi ola bilər?
- Bunu demək üçün hələ çox tezdi. Bütün komandalar yaxşıdı. Hamı qalib gəlmək istəyir