UEFA 2017/2018 mövsümündə vurulan ən yaxşı qolu açıqlayıb.
Sportarena.az xəbər verir ki, 346 mindən çox azarkeşin iştirak etdiyi sorğuda Kriştiano Ronaldunun “Real”ın heyətində hazırkı komandası - “Yuventus”a Çempionlar Liqasının 1/8 final mərhələsinin ilk oyununda vurduğu qol birinci olub. Bu barədə məlumatı UEFA-nın rəsmi saytı yayıb.
Beləliklə, 197 mindən çox şəxs 33 yaşlı portuqaliyalı hücumçunun aşırma zərbə ilə vurduğu qolu ən yaxşı sayıb.
Ronaldo bu yay “Yuventus”a “Real”dan keçib.