Bu gün "ASK Arena" stadionunun mətbuat konfransı zalında "Keşlə"nin Müşahidə Şurasının sədri Zaur Axundov klubun bir qrup azarkeşi ilə görüşüb.
Sportarena.az xəbər verir ki, Axundov komandaya göstərdikləri dəstəyə görə azarkeşlərə təşəkkür edib. Komandasının Azərbaycan Kuboku turnirinin finalında uğur qazanmasında azarkeşlərin də böyük payının olduğunu bildirən klub rəhbəri belə bir dəstəyin hər zaman göstəriləcəyinə ümidvar olduğunu açıqlayıb.
Sonra azarkeşlərə komanda formaları hədiyyə olunub və əsas meydançada xatirə şəkli çəkdirilib.