İngiltərə Premyer Liqasının III turunda “Totenhem”lə görüşün ardından Joze Mourinyo jurnalistlərə “Mən bu liqada ən çox çempionluq yaşamış baş məşqçiyəm.Mənə hörmət edin” deyərək əsəbi halda konfransı tərk etmişdi.
Sportarena.az xəbər verir ki, Portuqaliyalı mütəxəssisin bu açıqlamasından sonra “M.Siti”nin baş məşqçisi Pep Quardiola ona cavab verib. Pep böyük məşqçi olmaq üçün kuboklar qazanmağa ehtiyac olmadığını bildirib:
“Mourinyonun səviyyəsinə şübhə etmirəm. Ancaq bir şey var ki, böyük məşqçi olmaq yalnız kuboklar qazanmaqla olmur. Mən də bir çox kubok qazanmışam. Bunların hamısını yaxşı oyunçularla əldə etmişəm. Dünyada kubok qazanmayan bir çox yaxşı məşqçilər var. Bu, onların pis məşqçi olduğu mənasına gəlmir”.