Azərbaycan boksçuları Olimpiadaya hazırlığın son mərhələsində

Sportarena.az      21 Sentyabr 2018, 15:51

Gənc oğlan boksçulardan ibarət Azərbaycan millisi Yeniyetmələrin III Yay Olimpiya Oyunlarına hazırlığı davam etdirir.

 

Sportarena.az xəbər verir ki, komandamız Olimpiadaya sonuncu təlim-məşq toplanışını Boks Mərkəzində keçir.

 

Yığmamızın baş məşqçisi Vaqif Şirinovun rəhbərliyi altında Oyunlarda iştirak edəcək Nurlan Səfərovla (60 kq) Nicat Həsənov (69 kq) əsas komanda ilə hazırlaşır. Məşqlər oktyabrın 4-dək davam edəcək. Millimizin baş məşqçisi bildirib ki, təlim-məşq toplanışı yüksək səviyyədə keçir: “Hazırlığa artıq 3 gündür başlamışıq. Gündə iki dəfə məşq edirik. Səhər çalışmalarında fiziki hazırlığa, axşam məşqlərində sınaq döyüşlərinə üstünlük veririk. Olimpiyaçılarımızın kişilərdən ibarət əsas komanda ilə birgə hazırlığı onların təcrübəsinin daha da artırılmasına hesablanıb. İnanırıq ki, Oyunlara kimi hər 2 boksçumuz ən yüksək formasını yığacaq”.

 

V. Şirinovun sözlərinə görə, Argentinaya bir qədər tez yollanacaq yığmamız Buenos Ayresdə Rusiya, Qazaxıstan və Ukrayna milliləri ilə hazırlıq keçib, sınaq döyüşlərində də gücünü yoxlayacaq.

 

Qeyd edək ki, Yeniyetmələrin III Yay Olimpiya Oyunları oktyabrın 6-18-də Buenos Ayresdə olacaq.

 

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin