Hidayət Heydərov yarımfinalda yapon rəqibi Haşimotoya ipponla uduzdu.
******************
Hidayət Heydərov 1/4 finalda monqolustanlı Canbaatara qalib gələrək yarımfinala çıxıb.
*******************
Hidayət Heydərov növbəti qələbəsini qazanıb. O, tacikistanlı Behruzi Hodjazodanı udub.
*****************
Rüstəm Orucov isə 1/8 finalda monqolustanlı Çoqbatar Çend-Oçirə uduzub.
****************
Hidayət Heydərov da növbəti qələbəsini qazanıb. O, monakolu Sedrika Bessini ipponla udub.
***************
Rüstəm Orucov növbəti qələbəsini də ipponla qazanıb. O, Birləşmiş Ərəb Əmirliklərini təmsil edən Viktor Skvorçovu məğlub edib.
***************
Hidayət Heydərov da ilk görüşündə ipponla qalib gəlib.
***************
Mundxçenev ilk görüşdə uduzub. Rüstəm Orucov isə ipponla misirli rəqibinə qalib gəlib.
**************
Bakıda davam edən dünya çempionatında bu gün Azərbaycanın daha 3 cüdoçusu tatami üzərinə çıxacaq.
Sportarena.az xəbər verir ki, kişilərdən 73 kq çəkidə yer alan Avropa çempionları Rüstəm Orucovla Hidayət Heydərov mübarizə aparacaq. Onlar mübarizəyə 1/32 final mərhələsindən başlayacaqlar. 27 yaşlı Orucovun ilk rəqibi misirli Məhəmməd Mohyeldin olacaq. 21 yaşlı Heydərov isə iraqlı Sajjad Sehenlə üz-üzə gələcək. Qadınların yarışında isə 57 kq çəkidə İçinxorlu Munxtsedev qüvvəsini sınayacaq. 1/32 finalda onun bəxtinə almaniyalı Amelie Stoll düşüb.
İlk görüşlər saat 10:00-da start götürüb. Saat 16:00-da isə medal qarşılaşmaları olacaq.
Dünya çempionatı
57 kq
1/32 final. İçinxorlu Munxtsedev - Amelie Stoll (Almaniya)
73 kq
1/32 final. Rüstəm Orucov - Məhəmməd Mohyeldin (Misir)
1/32 final. Hidayət Heydərov - Sajjad Sehen (İraq)
Qeyd edək ki, ilk iki yarış günündə Azərbaycan cüdoçularından ən yüksək nəticəni Kəramət Hüseynov göstərib. 60 kq çəki dərəcəsində yer alan 20 yaşlı idmançı 5-ci yeri tutub.