“Kəpəz”in futbolçusuna 3 oyunluq cəza

14:02 25 Sentyabr 2018

“Kəpəz”in futbolçusu 3 oyunluq cəzalandı

 

Bu gün AFFA İntizam Komitəsinin iclası keçirilib.

 

Sportarena.az xəbər verir ki, aparılan müzakirələrdən sonra Birinci Divizionun 4-cü turunun oyunları ilə bağlı aşağıdakı qərarlar qəbul olunub:

 

“Keşlə-2” – “Səbail-2” matçında “Səbail-2”-nin 4 futbolçusu sarı vərəqə ilə cəzalandığı üçün klub 80 manat cərimə olunub.

 

“Qaradağ Lökbatan” – “Sabah-2” matçının 90+3-cü dəqiqəsində “Qaradağ Lökbatan”ın baş məşqçisi Elçin Dərgahquliyev texniki zona qaydalarını pozub. Bu səbəbdən kənarlaşdırılan baş məşqçi 1 oyun cəzalanıb, klubu 80 manat cərimə olunub.

 

MOİK – “Zirə-2” matçında “Zirə-2”-nin 4 futbolçusu sarı vərəqə ilə cəzalandığı üçün klub 80 manat cərimə olunub.

 

“Zaqatala” – “Kəpəz” matçında “Kəpəz”in 4 futbolçusu sarı vərəqə ilə cəzalandığı üçün klub 80 manat cərimə olunub.

 

Oyunun 90+3-cü dəqiqəsində “Kəpəz”in futbolçusu Eltac Mirzəyev aqressiv davranışa görə birbaşa qırmızı vərəqə alaraq meydançadan kənarlaşdırılıb. Bu səbəbdən futbolçu 3 oyun cəzalanıb, klubu 240 manat cərimə olunub.


Digər xəbərlər

Xəbər xətti