Avropa Liqasının qrup mərhələsinin 2-ci turunda “Qarabağ”ın qonağı olacaq “Arsenal” artıq Bakıdadır.
Sportarena.az xəbər verir ki, komandanı gətirən təyyarə təxminən saat 17:00-da Heydər Əliyev adına Beynəlxalq Hava Limanına eniş edib. London təmsilçisini hava limanında onlarla azarkeş qarşılayıb. “Topçular” oradan birbaşa Bakı Olimpiya Stadionuna yollanıblar.
Qeyd edək ki, sabah BOS-da keçiriləcək “Qarabağ” – “Arsenal” oyunu 21:00-da start götürəcək.