Elşad Əhmədov: "Özümü “Neftçi”li kimi hiss etdim"

Sportarena.az      5 Oktyabr 2018, 23:06

Topaz Premyer Liqasının 7-ci turu çərçivəsində “Neftçi”yə səfərdə 0:2 hesabı ilə məğlub olan “Sabah”ın baş məşqçisi Elşad Əhmədov matçsonrası mətbuat konfransı keçirib.

 

Sportarena.az xəbər verir ki, 48 yaşlı mütəxəssis əvvəlcə oyun barədə fikirlərini bildirib.

 

-    “Neftçi” layiqli qələbə qazandı. İlk yarıya yaxşı başlamadıq. Müdafiədə boşluqlar verirdik, hücuma keçə bilmirdik, erkən qol buraxdıq. Fasilədən sonra özümüzə gəldik. Zənnimcə, ikinci hissədə bir qədər üstün oynadıq. Hücum xəttində problemlərimiz var.

 

-    “Qarabağ”la oyundan sonra 1 xala layiq olduğunuzu bildirmişdiniz. Bəs, bu gün?
-    Bu gün eyni sözləri deyə bilmərəm.

 

-    İlk hissədə yenə əvəzetmə etdiniz...
-    Əvvəlcə rəqibin mərkəzdən hücum etdiyini gözləyirdik. Sonradan cinahları bağlamalı olduq.

 

-    Hücumdakı problem deyərkən tək Deviçi nəzərdə tutursunuz?
-    Xeyr. Bura vingerlər də, hücuma meylli yarımmüdafiəçilər də aiddi.

 

-    Elşən Abdullayevin durumu nə yerdədi?
-    Təqribən 1 həftədən sonra məşqlərə başlayacaq.

 

-    Arxada qalan ilk dövrəni necə dəyərləndirirsiniz?
-    Debütant üçün 10 xal normaldı. Amma nəticə kimi razıyam, oyun olaraq, xeyr.

 

-    Xeyli müddət “Neftçi”də işləmisiniz. Yenidən “Bakcell Arena”ya daxil olmaq necə hissdi?
-    Özümü “Neftçi”li kimi hiss etdim. Hətta stadiona gələndə çaşıb paltardəyişmə otağını səhv salmışdım. (Sport24.az)

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin