Kosovonun baş məşqçisi: "Bu turniri tənqid edənləri anlamıram"

Sportarena.az      17 Oktyabr 2018, 16:45

"Kosovo yığmasında işlədiyim üçün şadam. Məni bu posta İsveçrə və Ermənistan yığmalarında gördüyüm işə, təcrübəmə görə təyin ediblər. Hara gəldiyimi bilirdim. Kosovo Futbol Federasiyası üzvlüyə 3 ildir qəbul olunub. Biz hələ də evin təməlini qoymaqdayıq, amma tədricən irəliləməkdəyik. Oyunçuların çoxu Avropada inkişaf edirlər. Amma real olaraq potensial var. Futbolçuları yığmaya cəlb etmək üçün nəticə olmalıdır. Son vaxtlar albanların heyətə götürülməsi əla oldu. Belə olanda başqaları da bizim tərəfə baxır".

 

Sportal.az xəbər verir ki, bu sözləri millimizin Millətlər Liqasında rəqibi olan Kosovo yığmasının baş məşqçisi Bernard Şalland deyib. İsveçrəli mütəxəssis Millətlər Liqasında qrup lideri olmaq istədiklərini deyib: "Düzdür, son 7 oyunda uduzmamışıq. Amma qarşılaşdığımız rəqiblərə baxın, onlar Fransa və Almaniya deyil. Millətlər Liqasında qrup lideri olmaq istəyirik. Ancaq onu da qeyd edim ki, bu vəzifəyə gələndə qarşıma nəyin bahasına olursa-olsun, buna nail olmaq məqsədi qoymamışam".

 

Şalland Millətlər Liqası turnir barədə bunları deyib: "Bu turniri tənqid edənləri anlamıram. Bu yarış yoxlama oyunlarını əvəz edir. Millətlər Liqası bizim kimi kiçik ölkələr üçün arzuları reallaşdırmaq üçün vasitədir. Seçmə mərhələdən Avropa çempionatına vəsiqə qazanmaq çətindir. Əgər pley-offa yüksəlsək, bütün ölkə Avropa çempionatının həyəcanını yaşayacaq. Avropa çempionatına vəsiqə qazansaq, Kosovo üçün fövqəladə hal olacaq".

 

Qeyd edək ki, D liqasının 3-cü qrupunda Kosovonun 8, Azərbaycanın 6, Farer adalarının 4, Maltanın 2 xalı var.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin