Maksim Medvedev: "İki məğlubiyyətdən sonra komandada vəziyyət yaxşı deyil"

Sportarena.az      21 Oktyabr 2018, 18:40

"Qarabağ"ın futbolçusu Maksim Medvedev Topaz Premyer Liqasının VIII turunda doğma meydanda "Səbail"ə 1-0 hesabı ilə qalib gəldikləri oyundan sonra jurnalistlərə müsahibə verib.

  

Sportarena.az xəbər verir ki, təcrübəli müdafiəçi öncə oyun barədə danışıb:

 

Futbolçular üçün çox çətin oldu. Çünki uzun müddətdir bir yerdə deyildik, bəzi oyunçular milli komandaların düşərgəsində idi, bəziləri isə zədəli idilər. Uzun müddətdən sonra bir araya gəldik. Hiss olunurdu ki, anlaşma çox zəif idi. Xeyli şanslarımız oldu. Təəssüf ki, 1 qol vurduq, amma çox vura bilərdik. Rəqib çox yaxşı müdafiə olundu. Çalışırdılar ki, qol buraxmasınlar. Belə müdafiəni qırmağa və qol vurmağa "Qarabağ"ın təcrübəsi çatır.

 

- Qol vurmağa üstünlük vermirdiniz. Özünüzü "Vorskla" ilə oyuna saxlayırsınız?

- Həqiqətən çətin oyun alındı. Qeyd etdiyim kimi, rəqib müdafiə olunurdu, biz isə hücum edirdik. 

 

- Sıx qrafikdə oynayırsınız. Həm milli komanda, həm avrokuboklar, həm də daxili çempionat. Ağırlıq olduğunu oyunun neçənci dəqiqəsində hiss etdiniz?

- İlk hissənin sonuna 5 dəqiqə qalmış yorğunluq olur. Buna baxmayaraq, rəqibin futbolçuları bizdən daha yorğun idilər. Ola bilər ki, biz tempi tutmuşuq və gedirik. Amma rəqib yalnız Azərbaycan çempionatında mübarizə aparır, ona görə də həmin tempi davam etdirə bilmir. Bundan sonra isə "Qarabağ" baxımlı futbol sərgiləməyə başlayır.  

 

- Çempionatdakı əsas rəqibiniz "Neftçi" bu gün məğlubiyyətlə üzləşib. Bu, komandaya necə təsir etdi?

- Düzü, uşaqların çoxunun nəticədən xəbəri yox idi. Biz soyunub-geyinmə otağına daxil olanda "Qəbələ" öndə idi, sonrasından xəbərimiz olmadı. Çalışırıq ki, məlumat soyunub-geyinmə otağına daxil olmasın. Çünki uşaqlara təsir edə bilər.  Oyundan sonra bildik ki, "Qəbələ" qələbə qazanıb.  

 

- "Qarabağ"ın oyunçuları təzyiq altındadırlar. Mahir Mədətov azarkeşlər tərəfindən fitə basılır, ötən günlərdə isə Hannes avtomobil qəzası keçirib. Bu hadisələr komandaya necə təsir edir?

- Heç kimə təsir etmir. Hadisədir, baş verib. Hannes uşaq deyil, belə vəziyyətdə özünü idarə etməyi bacarır. Klubun işçiləri onun yanındadırlar, kömək edirlər. İstəməzdik ki, belə hadisə baş versin, amma olub. Həmin hadisəni artıq unutmaq lazımdır.  

 

- Avropa Liqasınını qrupunda keçirdiyiniz hər oyunda məğlub olmusunuz. Bundan sonra məqsədiniz nədir?

- İki məğlubiyyətdən sonra komandada vəziyyət yaxşı deyil. "Vorskla"nı məğlub etməyə, ilk xalımızı qazanmağa çalışacağıq. Bizim üçün önəmli oyun olacaq. Nəsə əldə etmək istəyiriksə, hər şeyimizi meydanda qoymalıyıq. 

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin