Bu gün AFFA İntizam Komitəsinin növbəti iclası keçirilib.
Sportarena.az xəbər verir ki, aparılan müzakirələrdən sonra Topaz Premyer Liqasının 7-ci turundan təxirə salınmış bir oyun, eləcə də 10-cu turun görüşləri ilə bağlı aşağıdakı qərarlar qəbul olunub:
7-ci turdan təxirə salınmış “Keşlə” – “Qarabağ” matçının 88-ci dəqiqəsində “Keşlə”nin futbolçusu Samir Məsimov ikinci sarı vərəqə aldığına görə 1 oyun cəzalanıb, klubu 200 manat cərimə olunub.
10-cu turun “Zirə” – “Səbail” matçının 60-cı dəqiqəsində “Səbail”in futbolçusu Şəhriyar Rəhimov ikinci sarı vərəqə aldığına görə 1 oyun cəzalanıb, klubu 200 manat cərimə olunub.