Türkiyə klubunun futbolçuları zəhərləndilər

20:24 7 Noyabr 2018

Türkiyənin "Altay" klubunun futbolçuları və texniki heyəti zəhərlənib.

 

Sportarena.az xəbər verir ki, Spor Toto 1-ci Liqada mübarizə aparan İzmir təmsilçisinin futbolçuları və məşqçiləri zəhərlənməyə görə xəstəxanaya yerləşdiriliblər Şənbə günü "Qazişehir"lə oyundan sonra Qaziantepdəki restoranların birində yemək yeyən "ağ-qaralar" bazar günü qusma və halsızlıq hiss ediblər. Komandanın üzvləri xəstəxanaya yerləşdirilib, onlara dərmanlar verilib. Həkimlər zəhərlənməyə şam yeməyi zamanı yeyilən salatın səbəb olduğundan şübhələnirlər.

 

"Altay"ın baş məşqçisi Özden Töraydın hadisə ilə bağlı açıqlama verib: "Məşqçilər heyəti olaraq biz də eyni problemi yaşayırıq. Bizimlə birlikdə həmin restoranda yemək yeyən bir basketbol komandası da zəhərlənib".


Xəbər xətti