Futbolda radikal qərar: Penalti ilə bağlı qayda dəyişə bilər

Sportarena.az      8 Noyabr 2018, 17:04

Futbolda 11 metrlik cərimə zərbəsi ilə bağlı qaydalara dəyişiklik edilə bilər. 

 

Sportarena.az xəbər verir ki, FİFA bu məsələni müzakirə etməyə hazırlaşır. Ümumiyyətlə, Beynəlxalq Futbol Assosiasiyaları Şurası oyun qaydalarında bir sıra dəyişikliklər etməyi planlaşdırır. Bununla bağlı qurumun iclası keçirilib. BFAŞ xüsusilə penalti zərbələri ilə bağlı indiki qaydalardan məmnun deyil. Qurum penaltinin bir zərbədən ibarət olmasının tərəfdarıdır. Qərar qüvvəyə minərsə, oyunçunun və ya oyundaşının qapıçıdan, dirəkdən və ya tirdən dönən topa zərbə vurmaq imkanı olmayacaq. Yəni oyundan sonrakı penalti seriyasındakı qaydanın geniş tətbiqi nəzərdə tutulur.  

 

İclasda cərimə meydanı daxilində topa əllə müdaxilə ilə bağlı şərtlərin də müzakirəsi olub. Bundan başqa, 90 dəqiqə sona çatandan sonra matça əlavə edilmiş vaxtda komandaların əvəzləmə haqqı olmayacaq.  Qaydalardakı dəyişikliklərin BFAŞ-ın növbəti iclasında rəsmən qüvvəyə minəcəyi gözlənilir.  

 

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin