Hannes Haldorsson: "Ehtiras, partlayış, mübarizə və ən sonda xoşbəxt sonluq"

Sportarena.az      9 Noyabr 2018, 03:28
Çox çətin qarşılaşma oldu. Biz döyüşdük. Meydança donmuşdu, bunu özünüz də gördünüz. Düzdü, soyuq havada oynamaq mənim üçün çətin deyildi. Sadəcə, soyuq havada top sürətlə gəlirdi, bu, çətinlik yaradırdı. Biz hər dəqiqə mübarizə aparmaq məcburiyyətində idik. Komandamızla fəxr edirəm". Sportarena.az xəbər verir ki, bu sözləri "Qarabağ"ın qapıçısı Hannes Haldorsson Avropa Liqasının qrup mərhələsinin IV turunda səfərdə "Vorskla"ya qalib gəldikləri matçı dəyərləndirərkən bunları deyib İslandiyalı qapıçı öz oyunundan danışıb, qapısını toxunulmaz saxladığı üçün xoşbəxt olduğunu bildirib:

 

"Oyununun nəticəsi bizim üçün yaxşı oldu. "Çərçivə qoruyucusu"nun əsas vəzifəsi qapısının toxunulmazlığını saxlamaqdır. Əgər qol buraxmamışıqsa, deməli, vəzifəmi yaxşı yerinə yetirmişəm. Bu məni xoşbəxt edir. Qapımızı toxunulmaz saxlamaqla yaxşı iş görmüş oldum. Bu, mənim üçün önəmli oyun oldu. Çünki Avropa Liqasının qrup mərhələsində ilk qarşılaşmam idi. Qələbə qazanmaq üçün əlindən gələni əsirgəməyən komanda yoldaşlarıma təşəkkür edirəm". 

 

Hannes, "Vaxtı ilə rejissor kimi çalışmısan. Bu oyun haqda film çəksən, hansı məqamı daha çox irəli çəkərsən?" - sualına belə cavab verib:

 

"Ehtiras, partlayış, mübarizə və ən sonda xoşbəxt sonluq".

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin