“Qəbələ” nümayəndələri UEFA forumunda

Sportarena.az      14 Noyabr 2018, 14:40

İsveçrənin Nyon şəhərində UEFA Gənclər Liqasında çıxış edən klubların nümayəndələri üçün məşqçi forumu keçirilib.

 

Sportarena.az xəbər verir ki, noyabrın 12-də start götürən tədbir Avropa Futbol Evində təşkil olunub. Tədbirə yarışın II mərhələsinə yüksələn “Qəbələ”nin təmsilçiləri də qatılıb. Klubun futbol akademiyasının meneceri Nail Kərimov və U-19 komandasının baş məşqçisi Emin İmaməliyev forum iştirakçıları arasında yer alıb.Forumun ilk günündə müxtəlif mövzularda mühazirələrə yer verilib, həmçinin iştirakçılar Hollandiyanın “Ayaks” klubundakı məşqçi metodologiyası, Fransa “Lion”unun akademiyasındakı təşkilatı işlərin necə qurulması ilə tanış olublar. Nümayəndələr arasında UEFA Gənclər Liqası turniri ilə bağlı fikir mübadilələri aparılıb. İlk gün qonaqlar arasında futbol matçı ilə yekunlaşıb.

 

Forumun ikinci günündə də tədbir iştirakçıları mühazirələr dinləyiblər. Mərasimə Avstriya “Zaslburq”unun baş məşqçisi Marko Rosenin mühazirəsi ilə yekun vurulub.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin