Cənubi Amerika Futbol Konfederasiyası "River Plate" klubunu azarkeşlərinin "Boca Juniors"un avtobusuna hücum etməsinə görə cəzalandırıb.
Sportarena.az xəbər verir ki, CONMEBOL "River Plate"ə növbəti mövsümdə 2 ev oyununu azarkeşsiz oynamaq cəzası verib. Bu barədə qurumun rəsmi saytı məlumat yayıb. 24 noyabrda keçirilməsi nəzərdə tutulan "River Plate" - "Boca Juniors" matçı azarkeşlərin səbəb olduğu hadisələrə görə təxirə salınmışdı. "River Plate" azarkeşlərinin "Boca Juniors"un avtobusuna etdiyi hücumda bir neçə futbolçu yüngül xəsarət almışdı.
"River Plate"lə "Boca Juniors" arasındakı Libertadores kubokunun final matçının cavab oyunu 9 dekabrda, "Santyaqo Bernabeu" stadionunda keçiriləcək.