Qurban Qurbanov: "Çox istərdim ki, futbolçularmız Türkiyə liqasında oynasınlar" - VİDEO

Sportarena.az      11 Yanvar 2018, 12:29

Türkiyənin "Haber Global" telekanalı Antalyada təlim-məşq toplanışında olan "Qarabağ"dan videoreportaj hazırlayıb.

 

Sportarena.az xəbər verir ki, yeni yaranan kanal Ağdam klubunun baş məşqçisi Qurban Qurbanovdan müsahibə alıb.

 

- Uzun illərdir ki, bu komandanı çalışdırırsınız. Ardıcıl 5 il çempion olmusunuz. "Qarabağ"la qarşıdakı məqsədiniz nədir?

 

- Öncə sizə təşəkkür edirəm ki, bizimlə gəlib maraqlandınız. Bildiyimə görə, üç aydır ki, fəaliyyətə başlamasınız. Sizə uğurlar arzu edirəm. 5 dəfə çempionluq qazanmışıq, amma elə də asan olmayıb. Son illər Avropa arenasında "Qarabağ"ı daha yaxından tanımağa başladılar. Bu da məsuliyyətimizi daha da artırdı. Çalışacağıq ki, qarşıdakı illərdə uğurlarımız daha çox və bol olsun. Daha da güclü komada yaratmağa çalışacağıq.

 

- Sizin şəxsi karyeranızda hədəfiniz nədir?

- Konkret məqsədim yoxdur. Hər il daha çox çalışmağa, uğur qazanmağa çalışıram. Hansı komandada çalışıramsa, orada bacardığımdan daha artığını etməyə çalışıram.

 

- Türkiyə və Azərbaycan qardaş ölkələrdir. Həm də coğrafi cəhətdən də qonşudurlar. Ancaq bu iki ölkənin futbol klubları arasında transferlər baş tutmur. Bunun səbəbi nədir?
- Bu, bizim üçün böyük problemdir. Əfsuslar olsun ki, təkcə Türkiyədə yox, ümumiyyətlə, Azərbaycandan kənarda legioner həyatı yaşayan futbolçumuz yoxdərəcəsindədir. Çox istərdim ki, futbolçularmız Türkiyə liqasında oynasınlar. Bu liqa Azərbaycan çempionatdan üstündür. Buna görə də çox istərdim ki, bu, reallaşsın. Bunun üçün də zamana ehtiyac var.

 

- Türkiyə Super Liqasını yaxından izləyirsiniz? Favorit komandanız hansıdır?
- Çox baxıram. Türkiyə milli komandasına azarkeşlik edirəm. Oyunlarına baxırıq, dəstəkləyirik. Klublardan isə "Beşiktaş"a azarkeşlik edirəm. Avrokubok oyunlarında isə hər bir Türkiyə klubuna öz komandamız kimi azarkeşlik edirik.

 

 

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin