"Zirə" Türkiyəyə yollanır

Sportarena.az      12 Yanvar 2018, 16:22

"Zirə” bu gün Türkiyəyə yola düşəcək.

 

Sportarena.az xəbər verir ki, "Qartallar” mövsümün ikinci yarısına hazırlıq məqsədilə qonşu ölkədə təlim-məşq toplanışı keçirəcək. 

 

Premyer Liqada oynamaq hüququ qazandığı 2015-ci ilin yayından sonra komanda hər fasilə dövründə ölkə xaricində hazırlaşır. Bu müddətdə "Zirə” hər mövsümün əvvəlində və qış fasiləsində Türkiyədə toplanış keçirib. Həmin vaxtdan 7 dəfə qonşu ölkəyə yollanan "Zirə” 8-ci dəfə burada hazırlıq prosesinə başlayacaq. Əvvəlki toplanışlardan dördü mövsümlərarası dövrdə, üçün ilk yarıdan sonra gerçəkləşib.

 

Yeddi toplanış çərçivəsində 19 yoxlama matçı baş tutub. Bunlardan birində "İnter”lə (indiki "Keşlə”) üz-üzə gələn "Qartallar” 18 beynəlxalq yoxlama oyununda qüvvəsini sınayıb. Xarici klublarla duellərdə 7 qələbə qazanıb, 4 heç-heçə edib. Hesabında 23 qol olan "Zirə” 18 top buraxıb.

 

Maraqlıdır ki, qış fasiləsindəki 3 toplanış çərçivəsində baş tutan 7 beynəlxalq yoxlama oyununda heç-heçə qeydə alınmayıb. Komandanın aktivində 3 qələbə var. Top fərqi isə 6:10-dur.

 

Qeyd edək ki, Türkiyədə keçirilən hazırlıq xarakterli qarşılaşmalarda "Zirə” yerli komandalar, həmçinin Gürcüstan, Qazaxıstan, Rumıniya, Almaniya, Qırğızıstan, Bolqarıstan, Kamerun, Rusiya, İran və Qətər təmsilçiləri ilə üz-üzə gəlib.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin