Fevralın 6-7-də U-16 Liqasında 17-ci turun oyunları keçiriləcək. Çərşənbə gününə yalnız 1 oyun təyin olunub. «Sumqayıt» evdə «Zirə»ni qəbul edəcək. Qalan 6 oyun cümə axşamı olacaq. Mərkəzi oyun şübhəsiz, liderlər qrupunda yer aralan komandalar arasında oynanılacaq. 3-cü pillənin sahibi «Keşlə» lider «Qəbələ»ni qəbul edəcək. « 6 xallıq oyun»da kimin qalib gələcəyini proqnozlaşdırmaq çox çətindir. 1-ci dövrədə bu komandaların Qəbələdəki oyununda 2:1 hesabı ilə «Keşlə» qalib gəlmişdi. Bu oyunun nəticəsini isə zaman göstərəcək. Oyun öncəsi komandaların düşərgəsində oxşar əhval-ruhiyyə hökm sürür. Hər 2 komanda yeni ilin ilk oyununda məğlub olub və bu üzdən cümə axşamı keçiriləcək oyunda qalib gəlmələri mütləqdi. Təbii ki, əgər çempionluq yarışından aralı düşmək istəmirsə. «Qəbələ»də heyətlə bağlı hansısa çətinlik müşahidə olunmur. «Keşlə»də isə vəziyyət bir qədər qəlizdi. Komandanın aparıcı 2 futbolçusu Hümmət Məmmədov və Əli Tağıyev uzun müddətdir ki, zədələrini sağaltmaqla məşğuldurlar. Bundan başqa Rəşad Həsənovla Xəyal İbrahimovun da zədələri var və oyun gününə hazır olub-olmayacaqları dəqiq deyil.
16-cı urun təqvimi aşağıdakı kimidir:
06 fevral (çərşənbə)
14:00 «Sumqayıt» - «Zirə» («Kapitalbank Arena»)
07 fevral (cümə axşamı)
12:00 «Turan Tovuz» - «Neftçi» (Tovuz şəhər stadionu)
13:00 «Sabah» - İsgəndər Cavadov BFA («Neftçibaza»)
13:00 «Səbail» - «Viləş» («Bayıl Arena»)
14:00 «Keşlə» - «Qəbələ» («ASK Arena», 4-cü meydan)
14:00 «Qarabağ» - ROİL («Sərhədçi» OİK-nin meydanı)
14:00 «Neftçi» İK İB – Gəncə TİM («Lökbatan» OİK-nin meydanı)
Cəza səbəbindən turu buraxacaq futbolçular: Şahmar Aşurov («Sabah»), Rauf Nağıyev («Səbail»), Fidayə Əzizov («Qarabağ»).
Bombardirlər: Rauf Ağasənov («Səbail») – 19 qol, Mehrac Baxşəliyev («Qəbələ») – 18 qol.
U-16 Liqasında 17-ci turun oyunları fevralın 7-də keçiriləcək: «Sabah» - İsgəndər Cavadov BFA, «Səbail» - «Viləş», «Turan Tovuz» - «Neftçi», «Qarabağ» - ROİL, «Keşlə» - «Qəbələ», «Sumqayıt» - «Zirə», «Neftçi» İK İB - Gəncə TİM.
«Het-trik news» qəzeti
