AFFA “Keşlə”dən başqa heç bir klubda yoxlama aparmır

Sportarena.az      1 Mart 2018, 11:20

“Keşlə” klubunun maliyyə əməliyyatlarının yoxlanılması haqqında xəbər vermişdik.

 

Sportarena.az xəbər verir ki, bu məlumatdan sonra klubun Müşahidə Şurasının sədri Zaur Axundov “Qafqazinfo” ilə əlaqə saxlayaraq yoxlamaların AFFA tərəfindən aparıldığını və təkcə “Keşlə”yə aid olmadığını bildirmişdi. 

 

Lakin AFFA-nın mətbuat xidmətinin rəhbəri Firuz Abdulla futbolinfo.az saytına açıqlamasında bunu təkzib edib. O bildirib ki, yoxlamalar ancaq “Keşlə” klubuna aiddir və başqa heç bir klubda bu cür yoxlamalara ehtiyac yoxdur: “Yoxlama bir həftədi başlayıb. Araşdırmanın nəticələrini yəqin ki, açıqlamayacağıq.AFFA bunu daxili sirri kimi saxlamağı üstün tutur. Klubun bunda marağı olsa, özləri ictimaiyyətə məlumat verə bilər. Digər klublara gəlincə, başqa yerdə təftiş aparılmır. Ona görə ki, “Keşlə”dən başqa Premyer Liqada yalnız AFFA vasitəsi ilə maliyyələşən, bu qədər böyük maliyyə alan başqa klub yoxdu. Assosiasiyadan maddi dəstək alan divizion klublarında da belə yoxlamalara hələlik gərək duyulmayıb”.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin