Təhsil nazirinin müavini, "Sabah” futbol klubunun Müşahidə Şurasının sədri Firudin Qurbanov Bakıda yanğın baş verən "Vətən” Respublika İxtisaslaşdırılmış Olimpiya Ehtiyatları Uşaq Gənclər Futbol Məktəbinin yerləşdiyi əraziyə gedib.
Sportarena.az xəbər verir ki, nazir müavini əraziyə baş çəkib, yanğınla bağlı məlumat alıb.
"FHN əməkdaşları yanğının qısaqapanmadan baş verdiyini bildirdilər", - nazir müavini deyib.Onun sözlərinə görə, yanğın zaman xəsarət alan olmayıb.
Qeyd edək ki, yanğın baş verən məktəblə "Sabah” futbol klubu əməkdaşlıq edir. Yanğın artıq söndürülüb. (Report)