"Mən “Qarabağ”ı düşünmürəm" - "Neftçi"nin baş məşqçisi

Sportarena.az      2 Mart 2018, 20:51

“Neftçi”nin baş məşqçisi Roberto Bordin Azərbaycan Premyer Liqasının XIX turunda evdə “Sabah”ı 3:0 hesabı ilə məğlub etdikləri oyundan sonra mətbuat konfransında jurnalistlərin suallarını cavablandırıb.

 

Sportarena.az xəbər verir ki, italiyalı mütəxəssis öncə oyunla bağlı danışıb:

 

- Oyuna yaxşı hazırlaşmışdıq. Futbolçularımız qələbənin əhəmiyyətini dərk edirdi. Bunu qazandığımız üçün xoşbəxtik. Komandam yaxşı oyun nümayiş etdirdi. Qələbə qazanmağa layiq idik. Az şans qazanan futbolçuların durumundan razı qaldım.

 

- Ruslan Abışov zədədən yeni qayıdıb. Onun son durumu necədir?

- Ruslanın ciddi zədədən qayıtdığını unutmayaq. Onun qayıdışına sevinirəm. İndiki vaxtda oynamaq üçün hazır deyil. Komanda ilə birgə məşq etmədiyi üçün kollektivdən geri qalır.

 

- Məhəmməd Mirzəbəyov oyunun sonlarına yaxın qırmızı vərəqə aldı. Həmin epizodla bağlı nə deyə bilərsiniz?

- Düşünürəm ki, həmin epizodda qayda pozuntusu yox idi. Azlıqda qaldıqdan sonra rəqib qapımız qarşısında təhlükəli vəziyyətlər yaratmağa başladı. Futbolçumu itirmək istəmirdim. Həmin epizoda təkrar baxacağıq.

 

- Qələbə qazansanız da, oyunçularınızın sarı vərəqələrinin sayı çox oldu.

- Sarı vərəqə hər iki komandaya göstərildi. Ona görə də bu barədə çox danışmaq lazım deyil.

 

- Çempionluq uğrunda əsas rəqibiniz olan “Qarabağ”la xal fərqiniz minimuma enib. Çətin olacağını düşünmürsünüz?

- Mən “Qarabağ”ı düşünmürəm. Xal itirsək, bizə baha başa gələr. Artıq növbəti oyun barədə düşünməliyik. Çempionatın davamında bizi nələrin gözlədiyini görəcəyik.

 

- Epizodların birində rəqibin hücumçusu Marko Deviçə irad bildirdiniz. Nə baş verirdi?

- Bizim aramızda böyük problem olmadı. Platellasın sarı vərəqə aldığı epizodu müzakirə edirdik. Mənim fikrimcə, Platellasın epizodu o qədər də təhlükəli deyildi. 

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin