Türkiyənin "Kasımpaşa" klubunun baş məşqçisi Mustafa Dənizli xəstəxanaya yerləşdirilib.
Sportarena.az xəbər verir ki, təcrübəli mütəxəssis Super Liqada "Trabzonspor"la matç zamanı özünü pis hiss edib. Oyunun fasiləsində xəstəxanaya yerləşdirilən Dənizlinin vəziyyəti hazırda yaxşıdır. O, tezliklə evə buraxılacaq.
Təzyiqi yüksələn Dənizlinin əvəzinə fasilədən sonra komandanı oyuna onun köməkçisi Sarp Yigit çıxarıb. "Kasımpaşa"- "Trabzonsöpr" matçı isə 2:2 hesabı ilə başa çatıb.
Qeyd edək ki, Mustafa Dənizli 2013/2014 mövsümündə "Xəzər Lənkəran"ı çalışdırıb.