Şenol Günəş yığmadakı işinə vaxtından əvvəl başlayacaq

11:48 6 Mart 2019

Türkiyə millisinin yeni baş məşqçisi Şenol Günəş yığmadakı işinə vaxtından əvvəl başlayacaq. 

 

Sportarena.az xəbər verir ki, 67 yaşlı mütəxəssis mart ayında keçiriləcək AVRO-2020-nin seçmə mərhələ oyunlarında texniki zonada əyləşə biləcək.Türkiyə Futbol Federasiyasının bunun üçün Günəşin hazırda baş məşqçisi olduğu "Beşiktaş" klubuna müraciət etdiyi bildirilib. 

 

Şenol Günəş fevralın 28-də yığmanın yeni baş məşqçisi təyin olunub.Daha öncə onunla imzalanan sözləşmənin iyunun 1-dən qüvvəyə minəcəyi və 2020-ci il Avropa çempionatı ilə 2022-ci il dünya çempionatını da əhatə edəcəyi açıqlanıb.

 

Türkiyə yığması seçmə mərhələdə martın 22-də səfərdə Albaniya, martın 25-də isə evdə Moldova ilə üz-üzə gələcək.


Digər xəbərlər

Xəbər xətti