AFFA İntizam Komitəsi "Zirə”nin gənclərdən ibarət komandasına texniki məğlubiyyət verib.
Sportarena.az milli assosiasiyanın rəsmi saytına istinadən xəbər verir ki, buna səbəb Gənclər Liqasının XXII turunda qəsəbə təmsilçisinin futbolçusu Pərvin Kərimlinin "Sabah”l ev oyununu buraxmalı olduğu halda meydana çıxmasıdır.
Matç "Zirə”nn 3 cavabsız qolla qələbəsi ilə başa çatsa da, komandaya 0:3 hesablı texniki məğlubiyyət verilib.
Qeyd edək ki, daha əvvəl "Zirə”nin Premyer Liqada çıxış edən əsas və I Divizionda yarışan əvəzedici komandası da texniki məğlubiyyətlə üzləşib.