Sabiq "Xəzər Lənkəran"lı: "Ən pis dövr Azərbaycana getməyim idi"

Sportarena.az      21 Mart 2018, 12:26

"Hazırda məşqlərimi edirəm, karyeramı hələ bitirməmişəm. Jurnalistikanı bitirdiyim üçün şərhçi kimi də işləyə bilərəm".

 

Sportarena.az xəbər verir ki,bunu "Xəzər Lənkəran"ın sabiq qapıçısı Toni Doblas deyib.Karyerası ərzində ilk olaraq məhz Azərbaycan klubunda legioner həyatı yaşayan 39 yaşlı qolkiper daha sonra İtaliya, Finlandiya, Hindistan və Filippin kimi ölkələrdə çıxış edib.

 

Bu ilin əvvəlində "Seres-Neqros"dan ayrıldıqdan sonra klubsuz qalan Doblas hələ də karyerasını davam etdirmək niyyətindədi.

 

2013-cü ilin yanvarında "Saraqosa"dan "Xəzər Lənkəran"a keçən Toni Doblas Azərbaycan klubunda cəmi 6 ay qalıb.

 

O, İspaniya mətbuatına müsahibəsində çıxış etdiyi ölkələr barədə də danışıb: "Ən pis dövr kimi Azərbaycana getməyimi seçərdim.

 

Çünki ondan sonrakı dönəm daha yaxşı alındı. Ordan ayrıldıqdan sonra "Napoli"də təcrübə toplamaq imkanı qazandım.

 

İtaliya klubuna gedəndə özümü yenidən yüksək səviyyəli futbolçu kimi hiss etməyə başladım. Çünki əla futbolçuların əhatəsinə və möhtəşəm məşqçi Rafael Benitesin rəhbərliyi altına düşdüm.

 

Hindistanda ulduz futbolçularla bir yerdə olurdum. Məşqlərimizi keçirdik, amerikan şirkəti isə şou təşkil edirdi.

 

Açığı, son klubumun Filippin təmsilçisi olacağını gözləmirdim. Ümumiyyətlə, ağlıma belə gəlməyən bir çox yerlərdə oldum".

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin