Luka Modriç: "İlk siqnal Azərbaycana qarşı oyunda idi"

Sportarena.az      25 Mart 2018, 11:39

AÇ-2020-nin seçmə mərhələsində millimizlə birgə E qrupunda qərarlaşan Xorvatiya yığması səfərdə Macarıstana 1:2 hesabı ilə uduzub.

 

Sportarena.az xəbər verir ki, oyundan sonra Xorvatiya yığma komandasının kapitanı Luka Modriç məğlubiyyəti şərh edib:

 

"Adımıza layiq oyun nümayiş etdirmədik. Macarlar çox sərt və hücumameyilli oynadılar. Hesabda geri düşsələr də, geri dönməyi bacardılar. Bu məğlubiyyəti gözləmirdik, oyanmalıyıq. İlk siqnal Azərbaycana qarşı oyunda idi. Lakin həmin qarşılaşmada bir yolla qalib gəlməyi bacardıq. Ancaq bu oyun bizim üçün yeni şok oldu".

 

Modriç dünya çempionatındakı uğurlu nəticəni unutmaq lazım olduğunu deyib: "Artıq dünya çempionatında baş verənləri unutmalıyıq. Futbol həyatı belədir, zəfərlərin dadını çıxarmaq üçün zamanımız yoxdur. Yeni oyunlar gəlir və hər komanda bizə problem yarada bilər. Keçirdiyimiz son iki oyundan daha yaxşı olmaq məcburiyyətindəyik. Bu məğlubiyyəti analiz edəcəyik. Belə davam etsək, böyük problemlər yaşayacağıq".

 

33 yaşlı yarımmüdafiəçi yenilgini faciə hesab etməyib: "Sıx müdafiə xəttini qırmaq üçün daha sürətli oynamalıyıq. Azərbaycanla oyunda bunu çox çətinliklə etdik, lakin macarlara qarşı bacarmadıq. Gözlənilməz zərbə aldıq. Ancaq məğlubiyyəti faciə hesab etmirəm".

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin