Ukrayna və Belarusun informasiya agentlikləri Bakıda keçirilən Formula 1 SOCAR Azərbaycan Qran-Prisi haqqında informasiyalar yayıb.
Sportarena.az xəbər verir ki, Ukraynanın UKRİNFORM və Belarusun BELTA agentliklərinin yaydığı informasiyalarda Formula 1 Qran-Prisinin əhəmiyyəti qeyd olunur. “Mercedes” komandasının Bakıda keçirilən yarışlarda dalbadal uğur qazandığı vurğulanır.
Bildirilir ki, “Mercedes” komandası bu qələbə ilə Formula 1 üzrə dünya çempionatları tarixində yeni rekorda imza atıb. Belə ki, ilk dəfə olaraq ardıcıl dörd Qran-Pridə bir komandanın hər iki pilotu yürüşləri ilk iki pillədə başa vurub.