Kasilyas ürək əməliyyatından çıxdı - "Böyük qorxu hissi keçirdim"

10:51 2 May 2019

"Portu”nun ulduz qolkiperi İker Kasilyas ürək əməliyyatından sonra durumu haqda məlumat verib.

 

 

Sportarena.az xəbər verir ki, o, tvitter hesabında belə yazıb:

 

"Böyük qorxu hissi keçirdim. Amma narahatlıq geridə qaldı. İndi hər şey nəzarət altındadı. Xoş ismarıclara və sevgi dolu sözlərə görə hər kəsə təşəkkürümü bildirirəm”.

 

Xatırladaq ki, Kasilyas mayın 1-də məşqdə özünü pis hiss edib və "Portu”nun düşərgəsindən şəhərdəki hospitala aparılıb. Ürəyindən əməliyyat olunan ispanın səhhətindəki problem aradan qaldırılıb. 37 yaşlı əlcək sahibi karyerasını bu əməliyyat üzündən daha tez bitirə bilər. Onun "Portu” ilə olan müqaviləsinin müddəti 1 ildən sonra başa çatacaq.

 

Kasilyas Portuqaliya təmsilçisinə 2015-ci ilin yayında Madrid "Real”ından azad agent qismində keçib. Bu mövsüm "Portu” formasıyla 42 oyun keçirən İker 35 top buraxıb.


Digər xəbərlər

Xəbər xətti