İtaliyalı hücumçu "Neftçi" və "Qarabağ"ın hədəfində

Sportarena.az      15 May 2018, 17:48

Rumıniyanın "Botoșani" klubu ilə müqaviləsi başa çatan italiyalı futbolçu Dieqo Fabbrini karyerasını Azərbaycanda davam etdirə bilər.

 

Sportarena.az futbol11.az-a istinadən xəbər verir ki, paytaxtın "Neftçi" klubu 28 yaşlı futbolçunun xidmətində maraqlıdır. Fabbrini "ağ-qaralar"a azad agent statusu ilə qoşula bilər. "Neftçi"nin italiyalı baş məşqçisi Roberto Bordinin həmyerlisini sərəncamında görmək istədiyi iddia edilir.

 

Fabbrini ilə "Qarabağ"ın da maraqlandığı xəbərdə vurğulanıb.

 

İtaliyalı futbolçu "Empoli" yetirməsidir və peşəkar karyerasına bu klubda başlayıb. Fabbrini "Udineze", "Palermo" "Uotford", "Syena", "Milluol", "Birmingem", "Midlzbro", "Spetsiya", "Real Ovyedo" klublarında oynayıb. O, 2018-ci ildən Rumıniyanın "Botoșani" klubunda çıxış edir və meydana çıxdığı 19 oyunda 4 qol vurub, 3 assist edib.

 

Fabbrini 12 dəfə İtaliyanın U-21, 1 dəfə isə əsas millisində forma geyinib. O, 2012-ci ildə Mario Balotellinin zədələnməsindən sonra yığmaya dəvət almışdı və İngiltərə ilə yoldaşlıq görüşündə meydana çıxmışdı.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin