Türkiyə toplanışını başa vurduqdan sonra ikigünlük istirahətə buraxılan "Qəbələ” Bakıda bir araya gəlib.
Sportarena.az xəbər verir ki, "qırmızı-qaralar” Azərbaycan Premyer Liqasının XV turunun "Keşlə” ilə görüşünün hazırlığına paytaxtda start verib. Elmar Baxşıyevin komandası fitnes zalında hazırlıq keçib. Futbolçular müxtəlif fiziki təmrinlərini yerinə yetiriblər. "Qəbələ”nin növbəti məşqi Bakı Olimpiya Stadionunda baş tutacaq.
Xatırladaq ki, fevralın 2-də keçiriləcək "Qəbələ” – "Keşlə” matçı saat 15:00-da başlayacaq. Oyun Qəbələ şəhər stadionunda keçiriləcək.