"Qarabağ" Qəbələyə Emil Balayev və legionerlərlə yollanır

Sportarena.az      10 İyul 2020 , 00:54

Bir neçə gün öncə xüsusi təyyarə ilə İspaniyaya yollanmış "Qarabağ"ın legionerləri Xayme Romero və Miçel Madera komandanın Qəbələ toplanışında iştirak edəcəklər.

 

Sportarena.az xəbər verir ki, ispaniyalı yarımmüdafiəçilərin Bakıya nə vaxt qayıdacaqları dəqiq bilinmir. Onların toplanışa koronavirus pandemiyası ilə əlaqədar bir qədər gec qoşulacaqları istisna edilmir.

 

"Qarabağ" Çempionlar Liqasının hazırlığına iyulun 14-də başlamağı planlaşdırır. Hazırlıq prosesinə "Zirə" ilə müqaviləsi başa çatan Emil Balayev də qoşulacaq. Azərbaycan millisinin qapıçısı ilə bütün məsələlərdə razılıq əldə olunub və yalnız münasibətlərin rəsmiləşməsi qalıb. Rəsmi müqavilə yaxın günlərdə imzalanacaq.

 

Qeyd edək ki, mövsümün sonunda Maqaye Qeye, Ailton Silva, Faysal Rerras, Vaqner Silva, Nicat Süleymanov və Nicat Mehbalıyevlə yollarını ayıran "Qarabağ"da kapitan Rəşad Sadıqov karyerasını başa vurub. Ağdamlılar hələlik Portuqaliyanın "Şaveş" klubundan kolumbiyalı müdafiəçi Kevin Medinanı, sabiq futbolçusu, ötən mövsümü "Neftçi"də keçirmiş haitili cinah oyunçusu Donald Geryeni və "Sumqayıt"da icarə müddəti başa çatan Elvin Cəfərquliyevi heyətinə qatıb. (Report)

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin