Çempionlar Liqasında pley-off mərhələsinin cavab oyunlarına start verilib.
Sportarena.az xəbər verir ki, ilk gün 3 oyun keçirilib. III təsnifat mərhələsində “Qarabağ”ı mübarizədən kənarlaşdıran “Molde” səfərdə Macarıstanın “Ferentsvaroş” klubu ilə heç-heçə edib - 0:0. Norveçdə keçirilən ilk oyun 3:3 hesablı bərabərliklə bitdiyi üçün Macarıstan təmsilçisi səfər qolları ilə qrup mərhələsinə yüksəlib.
Yunanıstanın “Olimpiakos” klubu Kipr təmsilçisi “Omoniya”nı, Kiyev “Dinamo”su isə Belçika “Gent”ini mübarizədən kənarlaşdırıb və qrup mərhələsinə adlayıb.
Pley-off mərhələsinin cavab oyunlarına sabah yekun vurulacaq.
Çempionlar Liqası, pley-off mərhələsi, cavab oyunları
"Omoniya" (Nikosiya, Kipr) – "Olimpiakos" (Yunanıstan) - 0:0
İlk oyun – 0:2
"Ferentsvaroş" (Macarıstan) – "Molde" (Norveç) - 0:0
İlk oyun – 3:3
"Dinamo" (Kiyev, Ukrayna) – "Gent" (Belçika) 3:0
İlk oyun – 2:1.